22 - 07 - 2019
වැඩ ලෝකයේ 3 වන රැකියාවේ පළමු දවස අද.. ඇත්තටම පොඩි කාලයකදි. .. ඒ කියන්නේ අවුරුද්දකට අඩු කාලයකදි මම ජොබ්ස් 3ක් කරලා.. මේක ඇත්තටම එකේ මගේ අඩුපාඩුවක්ද? Job එක මට suite වෙන්නෙ නැත්නම් ඉතින් වෙන මොනවා කරන්නද?? ඇත්තටම පළවෙනි job එක දිග කාලයක් කරන්න ඕනේ කියලා නීතියක් තියෙනවද ?? නෑනේ.. හිතට නිදහසක් නැති ජීවිතේ මොකටද ඉතින්??? ( ඇත්තටම මේක අදාල වෙන්නේ 2වෙනි වැඩ ලෝකෙට විතරයි )
ගිය පළවෙනි දවසේ මාත් එක්ක හිටියේ සහස්‍රා... Group කඩලා Training room දැම්මට පස්සේ මාත් එක්ක හිටියේ ශාහිනි ( එයා අපේ ගෙවල් පැත්තෙ වගේම මල්ලිගේ OL school එකේ මල්ලිගේ පංතියේ හිටපු ළමයෙක් කියලා මන් පස්සේ දැනගත්තා..) තව නංගි කෙනෙකුයි , මිහිරි කියන අක්කයි.. තව කොල්ලො 8කුයි... වැඩේ කියන්නේ කොල්ලන්ගෙන් බාගෙට බාගයක්ම මන් ගිය දෙවෙනි වැඩ ලෝකේ කොස්වත්ත branch එකේ අය.. Job එකේ නිවාඩු නැති එකයි.. Salary ප්‍රශ්නයි එක්ක තමයි ඔක්කොම අය එතනින් අයින් වෙලා තිබ්බේ..
ගිය පළවෙනිම දවසේ සංගීත්ව දැක්කා.. එයා මාත් එක්ක හිණාවුනා විතරයි.. මාත් ඉතින් හිනාවෙලාම මාරු වුණා.. කෙල්ලන්ට අනුව නම් කුකුළෙක්.. කුශාදි අක්කා තමා මට ඒක කිව්වේ..
ඒත් එයා මගේ පස්සෙන් එනකාලෙදි දාපු එක message එකක් මගේ හිතට තදින්ම වැදිලා තියෙනවා.. "තරූ මන් ඔයා තරම් ඉගෙනගෙන නෑ තමයි.. ඒත් තරූ මාව තේරුම් ගන්න.." ඒක මතක්වෙන වාරයක් පාසා මට එයාගේ මූණ බලන්න බැහැ වගේ හිතෙනවා..
හවස office ඉවර වෙලා මායි ශාහිනී පාරට එද්දිමයි දැක්කේ හොරණ හෙට්ටියාවත්ත bus එක යනවා.. මන් හිතන්නේ එදායින් පස්සේ කවදාවක්කත්ම අපි ඒ bus එක දැක්කේ නැහැ.. කොහොමින් කොහොමහරි අපි මහරගම බෝ ගහ යටට එද්දිම යන්න ලෑස්තිවෙලා තිබ්බ bus එකක් හම්බුණා.. 5.40 වෙද්දි මන් ගෙදරත් ආවා.
23 - 07 - 2019
අපේ training එක conduct කළේ තිවංශි අක්කා.. ඒත් එදා එයා හිටපු නැති නිසා හර්ෂි අක්කා තමයි අපිව train කෙරෙව්වේ.. මට හම්බුන place එක තිබ්බේ you-tube අයියාගේ පිටිපසේ.. ඒත් අපේ tables තිබ්බේ හරහට.. ඉතින් අයියා හිටියේ මගේ දකුණු අත පැත්තේ..
අද හවස මායි නංගී ඇවිත් bus එකට නැග්ගා ..අද අපිට හම්බුනේ එකළග එක පැත්තෙම පේළි දෙකක sheets දෙකක්.. ටිකක් වෙලා ගියාහම මිනිහෙක් ඇවිත් මන් ගාවින් හිටගත්තා.. ටිකක් ඇගට තද වෙද්දි මන් මිනිහගේ මූණ දිහා බැළුවා... ඊටපස්සේ මිනිහා ශාහිනී ගාවට ගියා.. වටපිට බලද්දිම අපේ එකේ නංගි කෙනෙක් එක එහා පැත්තෙ හිටිය නිසා මන් ශාහිනීට කතා කරලා එයාට පෙන්නුවා.. ඒත් මන් කියන්න හදපු දේ එයාට තෙරුණේ නැති නිසා මන් ශාහිනීට ආයිමත් කතා කරල jack කියලා කිව්වා. .. ශාහිනීත් ඔව් අක්කේ කියලා පිටිපස්සට වුණා.. තත්පරයක්වත් ගියේ නැහැ..මිනිහා බැහැලා ගියා.. ශාහිනී ආයිත් මට තට්ටු කරලා "බැස්සා" කිව්වා.
24 - 07 - 2019
අද උදේ එකට නැග්ගාම මිනිහෙක් මට පටගාලා ඉඩදුන්නා..ඊලඟට මොකද්ද වෙන්නේ කියලා මන් දන්නවා..ඒත් ඒ මිනිහා බහින පාටක් පෙන්නුව නිසා මන් එතනට ගියා.. මිනිහා කකුල පිටිපස්සෙන් දාද්දිම මන් එතනින් අයින් වුණා.. එතකොට ඒ මිනිහා මන් පිටිපස්සට යනවා කියලා ලඟ හිටපු ගෑනු ළමයෙක්ගේ උරහිසට අත තියලා පිටිපස්සට ගියා.. එතන ඉඳගෙන හිටපු නාකි සීය කෙනෙක් මගේ බෑග් එක ගත්තා.. කොට්ටාවෙදි සීයා ගාව ඉඳගෙන හිටපු කෙනා බැහැලා ගියනිසා සීයා ජනේලය ගාවට වෙලා මට ඉඳගන්න කිව්වා.. අර කලින් කියපු නංගි එතන හිටපු නිසා මන් ඒ නංඟිට වාඩි වෙන්න කිව්වා.. නංඟි බැස්සාම මන් එතනින් වාඩි වුණා..
" ගොඩක් වෙලා හිටගෙන හිටියා නේද?? "සීයා ඇහුවාම මන් හිනාවෙලා අහක බලා ගත්තා..මහරගමට ළං වෙද්දි මේ සීයා මගේ ඉනේ අත වද්දනවා කියලා තේරුණාම දන්න ජිම්නස්ටික් ක්‍රම දාල ඇඟ බේර ගත්තත් මේක සමහරවිට මට වුණ misunderstand එකක් කියලා හිතරවට්ටගන්න හැදුවේ, ඒක එහෙම නොවුණොත් මගේ කේන්තියවත් පාලනය කරගන්න හිතාගෙන..
Dental එක ගාව bus එක නවත්තපු ගමන් මන් එතනින් බහින්නෙ නැති නිසා අර සීයට ඉඩ දෙන්න ලෑස්ති වුණේ මෙයා අසහනකාරයෙක්නම් මගේ එහාපැත්තේ ඉඳලා මෙහාපැත්තට පනිද්දි අත පණනැති කරලා අඟේ වද්දන එකෙන් බේරෙන්න පුළුවන් විදිහට...මන් ඉතින් හිතුවා හරි.. මන් ගත්ත තරහා පොඩ්ඩක්වත් අහක ගියේ නැහැ..
අද තමයි තිවංශි අක්කගේ birthday එක.. ඉතිං එකේ එයාගේ මේසෙ උඩින් සිවිලිමේ ඉඳලා පහළට වැටෙන happy birthday deco එකක් තිබ්බා.. දෙවෙනි වැඩ ලෝඉකේ ඉතින් මෙහෙම එකක් වෙනවා කියන්නේ හීන තමා.. මුළු pd department එකටම අක්කා ගානේ treat ..හවස 5 පහුවුණ ගමන් විනාඩි 15 ක් විතර කට්ටිය එයාගේ birthday එක celebrate කළා..
25 - 07 -2019
මගේ department එකේ ඉන්න හාවා අයියා මට හරියටම click වුණේ අද තමයි.. දෙයියනේ මෙයා ... මෙයා මගේ senior කෙනෙක්ද?? මට ඉතින් එයාව දැක්කාම පරණ කතා ඔක්කොම ටික මතක් වුණා.. ගහට ගහක් මොරටුවෙදි හම්බුවෙන කතාව තව තවත් මන් තහවුරු කරගත්තේ තුන්වෙනි වැඩ ලෝකයෙදි තමයි..
ඇයි එතකොට සුපුන්.. මන් තාම එයා මන් දන්න කෙනාමද කියලා දන්නේ නැහැ.. එක්කෝ කවදාවත්ම ඒක දැනගන්න ඕනේ නැහැ කියලත් හිතෙනවා.. 5 වසරෙ හිටපු කෙට්ටු හාදයා දැන් ඌරු පෙති ගහලා වගේ.. මන් ඒ කාලේ තඩියට හිටියා.. එතකොට එයා මටත් වඩා මිටීද මන්දා .. දැන් මාව තනි අතින් උස්සන්න පුළුවන් සයිස්නෙහ්..
ඇයි එතකොට මිතිල අයියා.. මාව හොඳට දැනගෙන දැකලා අහක බලාගෙන යන ලස්සන.. මාත් මොකටද එයාව ගණන් ගන්නේ..
" මූණට මූණ හම්බුවෙලා අඩුම තරමෙ හිනාවෙන්නවත් බැරි මිනිහෙක්ගෙන් මන් ගැන අහන්න යන්න එපා.." හවස වැඩ ඉවරවෙලා යද්දි, call කරපු ගඟුල් අයියාට මන් කිව්වා.. "නැහැ නැහැ.. උඹ කිව්වනෙ අහන්නෙපා කියලා මන් නොදන්න ගාණට ඉන්නම්.. කොහොමත් ඌව හම්බුණේ නැහැ.. හම්බුණා නම් තමා ඌ ඔය ඔක්කොම කතා ඇදලා ගන්නේ.".
"එයා නම් මොකෙද්ද මන්දා .. කොහොමත් ඉන්දික අයියලා විතරනේ මාත් එක්ක කතා කරලා තියෙන්නේ.. අනික ඒ set එකම මට පේන්න බැහැ.. කටවල් නෙමෙයි ඒවා.." ගඟුල් අයියා මහ හයියෙන් හිනාවුණා...
ඉතිං මාර වැඩේ කියන්නේ තුන්වෙනි වැඩ ලෝකයේදි මට උදීප්ව හම්බුණා.. "හානේ හලෝ ඔයත් මෙහෙද??" මට උදීප්ව දැක්ක ගමන් උන්හිටි තැන් අමතක වුණා.. " ඔයා දන්නවද වෙලා තියෙන දේ .. දැන් මාෂා day shift එකේ නැහැ.. එයා night එකට ගිහිල්ලා.. මාෂා නැති නිසා හරීද්‍රටත් place එකක් නැහැනේ.. එයත් දැන් සාමාන්‍ය QAT කෙනෙක් විතරයි.." මන් කියාගෙන කියාගෙන ගියා.. උදීප් හිනාව හිරකරගෙන මන් දිහා බලන් හිටියා..
උදීප් : මන් දැක්ක ඔයාව දවස් දෙකකට විතර කලින්..
මම : ඉතින් කතා කරන්නෙපැයි...
උදීප් : එදා ටිකක් වැඩ හලෝ.. දැන් අරෙහෙම වෙලාද ඉතින්..?? මන් ඔළුව වැනුවා.. ඔහොම තමයි අනේ අපිට කරන ඒවා ඵලදෙන්නත් එපැයි..මට මාෂා පස්සේ message කළා.. මන් කියන්නම්කො පස්සේ ඒක.
මම : සිරාවට?? (ශාහිනී මගේ ළඟට ආවා )
උදීප් : හරි හලෝ අපි පස්සේ කතා කරමු.. ඔයත් තේ දාගන්න.. ගොඩක් වෙලා ඉන්නත් බෑනේ.. මන් එහෙනම් අර පැත්තට යන්නම්.. මන් හා කිව්වා..
තේ බීලා ආයි එද්දි උදීප් මන් ගාවට ආවා..
උදීප් : තාම training ද??
මම : ඔව් හලෝ..මන් PD ඔයා??
උදීප් : road එකේ ..
මම :කොහොමද මෙතන..
උදීප් : කියලා වැඩක් නෑ අනේ.. මාර හොඳයි.. 5ට යන්නත් පුළුවන්.. සෙනසුරාදා office කැමතිනම් විතරයිනේ.. ආයි දැන් ඉගෙනගන්න course එකක් හොයාගන්න ඕනේ අනේ..
මම : ඒක හොදයි.. ආයි open එකෙත් බලන්න.. මාත් හරි ආසයි හලෝ.. මෙහෙ birthday celebrate කරන විඳිහ...අරකෙ නම් ඉතින් මේවා හීන තමා.. අනික උදේට ජාතික ගීය දානවා.. ඉක්මනට ගෙදර යන්නත් පුළුවන්.. මන් ඊයේ ගෙදර ගිහින් මල්වලට වතුරත් දැම්මා.. හරි නිදහස්.. අනික ඉක්මනට promotion වුණත් දෙනවනේ..
උදීප් : ඒක තමයි අනේ.. කවද්ද අරකෙන් අයින් වුණේ..
මම : ඔයාට මතකනේ salary seen එක.. ඊට දවස් දෙක තුනකට පස්සේ resign දුන්නා.. ඊට පස්සේ exam නිසා මාස දෙකක් විතර ගෙදරට වෙලා හිටියා..
උදීප් : එහෙමද මාත් ඒ කාලෙම වගේ තමයි.. අර delmon training දැම්මේ.. ඊට ටික දවසකට පස්සේ මන් අයින් වුණා..
මම : ඒකට ගියේ පෙර කරුමයක් ගෙවන්න..
උදීප් : ඒක නම් ඇත්ත..මට මාෂා පස්සේ message කළා.. ආයි එන්න කිව්වා.. මන් කිව්වා ඉතින් අයින් වුනේ ආයි එන්න හිතන් නෙමෙයි.. අනික මන් කිව්වා මට එතන එපා වුනා කියලා.. හිතලා බලන්න කිව්වා.. මන් කිව්ව හිතන්න දෙයක් නෑ කියලා..
මම : මාරයිනේ එයා මට තාම කතා කලේ නෑනේ.. ඇයි දන්නේ නෑ.. මන් හිනා වෙවී කිව්වා..
උදීප් : දැන් අරකෙ මොකො වෙලා තියෙන්නේ..ඇයි අරයා අයින් වෙලා තියෙන්නේ??
මම :සිකුරාදා දවසක මාෂා කියලා තියෙනවා.. කට්ටියට සෙනසුරාදා වැඩට එන්න කියලා.. කට්ටියම කතා වෙලා වෙන්න ඇති ..ගිහින් නෑ..
උදීප් : අම්මා..ඉතින්.. ??
මම : මට උදේනි අක්කා තමා ඕක කිව්වෙ.. මන් ඉතින් ඇහුවා සඳුදා හොඳට අහගන්න ඇති නේද කියලා..
උදීප් : ඉතින් අහගෙනද??
මම : නෑ හලෝ.. සඳුදා යද්දි ශේන්ලු TL ..
උදීප් : එහෙමද..?? හැබැයි හොඳ වැඩේ වෙලා තියෙන්නේ. ..
මම : night එකේ ළමයි පව්..
උදීප් : ඒක ඇත්ත..
මම : ඒත් කොල්ලොනේ ගොඩක් ඉන්නේ අල්ලන් ඉඳී..
උදීප් : එහෙමත් නෑ .. ගොඩක් අය මාත් එක්කම අයින් වුණා. UDත් අයින් වුණා..
මම : UD නෑ ඔව්.. එයා පරණම එක්කෙනෙක්නේ.. ඒ මොකො අයින් වුණේ??
උදීප් : එතන ප්‍රශ්නනේ.. ඉතින් project මාරු කළා.. තේරුමක් නෑ කියලා හිතෙන්න ඇති..salary අඩුයිනේ..(උදීප් වෙලාව බැලුවා ) මේ මන් යන්නද ??
මම : හරි හරි bye..
උදීප් : bye..
අක්කේ ඔයා විශ්වාස කරනවද?? උදීපුත් මෙහෙ.. ආයි floor එකට යන ගමන් මන් උදේනි අක්කට message එකක් දැම්මා..
26 - 07 - 2019
අද මන් office එකට යද්දී 8 පහුවෙලා.. ටිශාරව bus එකේදි අද හම්බුණේ අවුරුදු ගාණකට පස්සේ.. චුට්ටක් ආගිය තොරතුරු කතා කරන ගමන් මන් ඇහුවේ හේෂාව දන්නවද කියලා..
" අයියෝ මගේ හොඳ යාළුවෙක්නේ.. එයා ඉස්සර කියනවා මන් කොණ්ඩෙ කපන කපන වාරයක් පාසා කොල්ලො මාරු කරනවා කියලා.. කොන්ඩෙ කැපුවොත් අහන්නේ කොල්ලා කවුද කියලා..??" අපි දෙන්නම හිනා වුණා..
ටිෂාරා : කොහොමද office එක??
මම : අවුලක් නෑ.. ඒත් software engineer කෙනෙක් වෙලා ඉඳලා පොඩි position එකකට ආවාම හරිම අමාරුයි.. කොහොමත් ටික කාලයයිනේ..
ටිෂාරා : Degree එක ඉවර වෙනකන්ම ඉන්නවද??
මම : තාම එහෙම අදහසක් නැහැ..ඒත් weekend එක free job එකක් හොයාගන්න ටිකක් අමාරු නිසා ටිකක් කල් ඔතන ඉඳීයි.
අදත් ඉතින් office එක ඇතුල නම් වෙනදා විදිහටම වැඩ වුණා.. අද අළුතින් batch එකක් ආවා.. දෙකටම එකට training එක කරනවා කියලා අක්කා කිව්වා.. ඊයේ වෙද්දි අපෙ places වෙනස් කලානේ.. දැන් මගේ දෙපැත්තේ ඉන්නේ විමුක්තියි. නවීනුයි.. ශාහිනී මගෙ පිටිපස්සේ.. මිහිරි අක්කා ආයි එන්නේ නැහැ.. හරියට වැඩ කරන්නෑ කියලා ඊයේ තිවන්ෂි අක්කා මිහිරි අක්කටයි ශාහිනීටයි නවීන්ටයි බැන්න.. මාත් ඉතින් පුළුවන් විදිහට එයාලට කියලා දුන්නා.. ඒත් මට තේරුණ විදිහට නම් මිහිරි අක්කට computers පාවිච්චිය ගැන වැඩි හුරුවක් නෑ වගේ.. හැබැයි මිහිරි අක්කා කැම්පස් ගිහිල්ලා.. ඒ වගේම මන් වගේ ඉගෙනගන්න තියෙන හැම එකක්ම ඉගෙනගෙනත් තියෙනවා.. එයා අද ඉඳන් වැඩට එන්නේ නෑලු. එක අතකට ඉගෙනගෙන තියෙන කෙනෙක්ට.. තමන්ගේ ඉගෙනීමේ value එක දැන දැනම.. වයසින් අඩු කෙනෙක් ඉස්සරහා chater වෙන්න බෑ තමයි..
එයා අනික government job එකක් බලාපොරොත්තුවෙන් හිටියේ..
හවස මායි ශාහිනියි එද්දි ඕක ගැනම තමයි කතා වුනෙත්.. ශාහිනීත් කිව්වෙ හිතුනොත් විතරයි සඳුදට එන්නේ කියලා.. නවීන් නම් තනිකර පිස්සෙක්.. එයා කියනවා එයා ගොන් විදිහට හැසිරෙන්නේ එයාට මේ project එක එපාලු.. Road එකට යන්න ඕනෙලු.. ඒකෙ වැඩ ලේසිලු.. අනික..එයාගේ යාළුවො දෙන්නා ඉන්නේ road එකේ නිසා තමයිලු එකට යන්න ඕනේ.. යාළුවො පස්සෙම යන එවුන්ට කියල වැඩක් නැති නිසා මන් මොකුත් කියන්න ගියෙත් නැහැ.. කවදා හරි ඉතින් එයාටම තේරෙන දවසක තේරුම් ගනී..
