ගැහැණු ළමයාගේ කතාව - පොඩි කාලේ (12)

පොඩි කාලේ (12)

👶     👶      👶      👶      👶      👶       👶
කල්යත්ම අම්මා නැවත රැකියාවට යන්නට පටන්ගත් පසු  පොඩි කාලේ මා අපේ ගෙදර සිටිනවාටත් වඩා සිටියේ පාරෙන් එහා පැත්තේ තිබූ අමි ආච්චිලාගේ ගෙදරය.

පොඩි කාලයේ මා සදහා බත් කැවීම භාරගෙන තිබුනේ අමි ආච්චිය. අම්මා හෝ ආච්චී තඩි බත් පිගානකුත් සමග මා අමි ආචිචිට භාර දෙයි. අමි ආච්චී මට බත් කවන්නේ රාස්සයාගේ කතාව කියමිනි. අම්මා දැනට කියන ආකාරයට එකල ඇතැම් විට උදේට හෝ රෑට පාන් භාගයක්ම කවා ඇත්තේ අමි ආච්චිට පින් සිදු වන්නටය. 

අමි ආච්චිලාගේ ගෙදර ඉස්සරහ දොර දෙපැත්තේ බිත්ති කණු දෙක අතර තිබූ පොඩි පඩි දෙකෙන් දකුණු පැත්තේ මාව වම් පැත්තේ වාඩි කරවා අමි ආච්චිද වාඩි වෙයි.ඉන්පසුව අමි ආච්චී තඩි බත් පිගාන මට කවන්නේ රාස්සයාගේ කතාව කියමිනි.බත් පිගානේ විශාලත්වය අනුව කතාව දිග හෝ කොට වූ බව මා දැන් දන්නේ අදටද අමි ආච්චී එය හිනා වෙමින් මතක් කරන නිසාවෙනි.

එහෙත් පොඩි කාලේ මට කවද්දී අමි ආච්චී මුහුණ පා ඇති ප්‍රදාන ගැටළුව වී ඇත්තේ පෙර දවසේ කියූ කතාව මා හොදින් මතක තබා ගැනීමයි. ඒ නිසා සෑම දිනකම කතාව ආරම්භ කිරීමට පෙර සෑම දිනකම අද කියාන්නේ ඊයෙ කියපු රාස්සයා ගැන නෙමේ අලුත් රාස්සයෙක් ගැන යනුවෙන් කීමට අසරණ ඇයට සිදු වී ඇත. ඇතැම් දිනවල කාක්කාගේ කතාවද කියයි. එහි අන්තිමට කේජු කෑල්ල කෑ නරියා කලින් දවසේ කතාවේ සිටි රාස්සයා විසින් කන අවස්තාද විරල නොවේ. මේ නිසා අරාබි නිසොල්ලාසයේ කතාද අමි ආච්චිගේ කතා වලට පරාද බව  මගේ අදහසයි.

ඒ කොහොම වුණත් පොඩි මම බත් ඉවර වෙනකම් කා ඇත.
😁    😁    😁    😁    😁    😁    😁     😁

Read More

ගැහැණු ළමයාගේ කතාව - පොඩි කාලේ (#)

පොඩි කාලේ (#)
 
👶     👶      👶      👶      👶      👶       👶 
මට මතක ඇති හැම කාලෙකම ආච්චිලගෙ ගෙදර කුකුළ්ලු සිටියෝය. පීරිස් ආතා හා සුදු ආච්චී යනු අපේ  අසල්වාසියෝය.. විශාල මී හරක් පට්ටියක් ඔවුන් සතුවිය.  🐮    🐴    🐮    🐮   එම නිසා පීරිස් ආතා දවසේ වැඩි කාලයක් හිටියේ අමුඩයක් පිටිනි.  එම හරක්ගෙන් ලබා ගන්නා කිරි වලින් පීරිස් ආච්චි හරි රසට මී කිරි හදනවාය..එම කාර්ය ඇය මිය යන තෙක්ම එක දිගට සිදු විය. ගොඩ මඩ ඉඩම් තිබූ ඔවුන් වගාකල සියල්ල විකිණූ අතර.. ගෙදර හදන මී කිරිද විකුණන ලදී. නමුත් අපේ ආච්චී ඇයගේ යහලුවෙකු වූ නිසාත් ..සීයා ගමේ වැදගත් පුද්ගලයෙක් වූ නිසාත් සිරිතක් ලෙස ඇය මීකිරි අප හට නොමිලේම ලබාදුන්නාය.  🍚 ඇය මිය ගිය පසු සෑම දෙනෙකුටම මතක තිබුණේ මී කිරිවල රස නැවතත් අත්දැකීමට නොලැබෙන බවය.

ඔවුන්ටද කුකුළන්ද සිටියෝය.   🐔      🐔    🐔       🐔      🐔   සමහර කාලෙක අපේ ආච්චි බිත්තර රක්කනවාය. වතාවක් එසේ කරද්දි ආච්චි පීරිස් ආතාට පැවසූයේ මේ සැරේ බිත්තර  ඔක්කොම නරක් වෙලා ඇත කියාය. වැස්ස කාලෙට බිත්තර රක්කන්නෑ මැණිකේ යැයි මී කිරි ගෙනා ඔහුගෙන් ආච්චීට ලැබුණු පිළිතුර විය. මාද කුකුල් කූඩුව දෙස බැලූ විට එහි තෙත පිදුරු තිබූ බව ලාවට මතකයේ ඇත. පහුවදා පීරිස් ආතා සුදු ආච්චී (පීරිස් ආච්චී) ගෙන් ඉල්ලාගත් රක්කන්නටම වෙන් කර තිබූ බිත්තර ටිකක් ගෙනවිත් ආච්චීට වැසි කාලයේදී බිත්තර රක්කන ආකාරය කියා දුන්නේය. ඒ වතාවේ අපිට කහ පාට කුකුල් පැටව් 5ක් විතර හම්බුවිණ.  🐣    🐣   🐣   🐣 කහ පාට බෝල ගෙඩිවන් උන්ව පූසන්ගෙන් පරිස්සම් කිරීම ආච්චී මට බාර කලාය. තවද ඔවුන් තරමක්  ලොකු වන තෙක් පොඩි පැටවුන් සහ මවු කිකිලිය ඈතට නොයෑමට නොදී ඇස් මායිමේ තබා ගැනීමටද මා හට සිදු විය. සවසට කුඩා පැටවුන්ව කූඩුවට ගෙනයාමද මා සිදු කලෙමි.        🐥     🐥     🐥     🐥     🐥     🐥      🐥     🐥 උන් කුඩා කාලයේදී ආච්චී උන් කුකුලන්ද කිකිලියන්ද බව දැන සිටියාය. එය පීරිස් ආතා සමගද කියනු මා අසා සිටියෙමි. මා ඇසූ විට ආච්චී කිව්වේ උන්ගේ හොටෙන් හා තටු වලින් එසේ හදුනාගැනීම් කරනා බවය. නමුත් අද වෙන තෙක් එසේ පැටවුන් හදුනා ගැනීමට මට හැකිවී නැත. එතැන් පටන් අවස්ථා කීපයකදීම බිත්තර රැක්කවූවද එසේ බිහිවන පැටවුන් හෝතම්බුවන්/ වෙනත් සතුන් විසින් කෑම නිසා ආච්චී බිත්තර  රැක්කවීම නවත්තන ලදී. එහෙත් මට මතක කාලෙදි හම්බුවුන මා කුඩා කල බලාගත්  කුකුල් පැටවා (සාෂා)  අවුරුදු 14ක් පමණ ජීවත් විය.  🐔......

Read More

ගැහැණු ළමයාගේ කතාව - පොඩි කාලේ (#)

පොඩි කාලේ (#)


 
  👶    👶    👶   👶    👶   👶   👶   👶

පොඩි කාලේ ඉතින් මන් මල්ලිට ලොක්කා වුනාලු.. මන් ගාව තිබ්බ nightdress දෙකෙන් රෝසපාට එක මල්ලිට අන්දල කොණ්ඩ කුරුච්චන් දෙකක් දානවලු.. මාත් නිල් පාට එක ඇදලා මල්ලිවත් එක්කන් ගිහින් බිංකුණ්ඩන්ව හොයනවලු... ඉතින් එහෙම දවසක ගොඩක් වෙලාවට ඉරිදා දවසට මගෙ බව්වා ටාශන් වත්ත එන වදුරන්ව අල්ලලා ලොකු චන්ඩිකම් දානවලු. ඌ වදුරන්ගෙ පපුව විතරක් කාල මැරිච්ච වදුරව වත්ත මද්දට ගේනවලු.  🐵   🐵   🐵
ආච්චිගෙ වැඩේ ලොකු වලක් කපලා වදුරව වලලලා ගලක් තියෙන එකලු.
(r.i.p 🐒)  නැත්නම් කබරයො හරි ගැරඩියො 🐍 හරි එහෙම නැත්නම් ආයිමත් ටාෂන්ම හරි ඇවිත් ඒ වල හාරනවලු. 🐾  🐾  🐾  🐾
මා  මල්ලී සමග එසේ වූ දවස පුරා ලේ පෙරාගත් නරක  ටාෂන්ව පන්නන්නෙමු. එසේත් නොමැතිනම් කෙසෙල් වත්ත 🍌    🍌   🍌   🍌 හා ගස්ලබු කන වදුරන් හට පාඩමක් කියා දුන් ටාෂන්ව අගයන්නෙමු. අහල පහල සියල්ලෝමද ටාෂන්ව අගයති.
Nightdress දෙකක් ඇදගත් අප දෙදෙනා ටාෂන්ගේ ක්‍රියාකාරකම් අගයමින් නැවතත් බිංකුණ්ඩන්  නටවන්නෙමු.   💃   💃    💃    💃    💃 එකල මොනවා නැතත් මල්ලී මන් කියන දේ අකුරට කරන්නේලු. මල්ලි ඉතින් පව්ය. ඇතම් විට අපට බොම්බයි-මොටයි මාමාගෙන් බොම්බයි මොටයි අරන් දෙන්නේ සීයාය. මා මල්ලීට ඇති ආදරේ නිසාම පවසන්නේ පොඩි ලමයි පැණි රස  🍬 කන්න හොද නෑ යනුවෙනි. මා මල්ලීට වඩා ලොකුයි යනුවෙන් අම්මාද නිතර පවසයි. ඒහෙයින් මාද වැඩිහිටියෙකි. මල්ලී ඔහුගේ බොම්බයි-මොටයි සියල්ලම මට දෙන්නේලු. මල්ලී බලා සිටිද්දීම මා සියල්ලම කන්නේලු. පසුව මා කා අවසන් වූ පසු අපි ගොස් වතුර බොමු යැයි පවසා ගොස් වතුර බොන්නේලු.

ඉස්සර මල්ලී එසේ මුත් දැන්  මල්ලි ද නම් එසේ නැත.දැන් ඔහු තාත්තා වැනිය. කිසිදු වැඩක් ඔහු නැතිව කිරීමට බැරිය. එසේ කල විට බැනුම් කෝටියකි. සිටින්නේ හෙන ලොකු එකෙන්ය. ඒ අවස්ථාවේදී කල යුත්තේ එක් දෙයකි. එනම් ඔහු පොඩි කාලයේදී රෝස පාට  nightdress 1 ඇදන් baby hair beads  කොණ්ඩෙත් ගසා ගෙන පොඩි කාලයේ සිටි ආකාරය මතක් කර හැකි ඉක්මනින් එතනින් මාරු වීමය..
   😁    😁    😁    😁    😁    😁    😁     😁

Read More

ගැහැණු ළමයාගේ කතාව - පොඩි කාලේ (11)

 පොඩි කාලේ (11)


👶   👶   👶   👶   👶   👶   👶   👶  

තාත්තා ගෙදර ආපසු මා හිඳ ගන්නේ තාත්තාගේ සරමේය. සරමට වී මා ඔන්චිලි පදිමි. සීයාගේ සරමේද ඔන්චිලි පැදීමට හැකිමුත් මා සරමට ගොඩ වන විටම ආච්චී හෝ වෙන කෙනෙක් මහ හයියෙන් කෑ ගසයි. ඒ සීයා ඇවිදින්නේද හැරමිට්ටක් මඟින් නිසා හා සීයාට අංශභාගය සෑදී ඇති නිසාය.කෙසේ නමුදු කාත් හෝ නොමැතිවිට සීයා මා සරමේ තබාගෙන ඔංචිලි පද්දවයි. ඒ කා හටවත් නොකියන පොරොන්දුවක්ද සමඟිනි.
👴 👴 👴 👴 👴 👴 👴 👴 👴 👴 👴

Read More

ගැහැණු ළමයාගේ කතාව - පොඩි කාලේ (10)

පොඩි කාලේ  (10)

👶   👶   👶   👶   👶   👶   👶   👶  

පොඩි කාලේ මා බලා ගැනීම තාත්තා බාරගත් පසු වැඩ ඇරී ඇවිත්  මාගේ සියලු රාජකාරී කළේය. රෑට කැව්වේද තාත්තාය. මා වඩා ගන්නා තාත්තා මා මිදුලට ගෙනයයි. තාත්තා කවන්නේ කණාමැදිරියන් හා අහසේ තරු පෙන්නමිනි. මගේ නමේ අර්ථයද තාත්තා කියා දුන්නේ එවන් අවස්ථාවකදීය. අහසේ තරු ඇල්ලීමට මා අත දිගු කරමි.  අතට අහුවන්නේ නැත.

✨     ✨     ✨      ✨     ✨     ✨     ✨
ඉතින් තාත්තාත් මමත් අතට අහුවන කණාමැදිරියන් ඇල්ලීමට උත්සහ කරමි. කණාමැදිරියන් බහුලව සිටි එම කාලයේ එකවර දෙතුන්දෙනෙකු අල්ලා ගැනීම ඉතා පහසුව. ඒ උන් අපේ ඇඟේ හැපෙමින් පියාඹන නිසාය.  ඒ ඉක්මනින් කෑවොත් අල්ලා දෙන පොරොන්දුව මතය. තාත්තා කණාමැදිරියන් අල්ලයි. ඌව අතේ ගුලි කරගන්නා තාත්තා  මාමයිට් බෝතලයක් ගෙන එන ලෙස පවසයි. තාත්තා කිසිදිනක කණාමැදිරියන්ව මාගේ අතට දුන්නාදැයි මට මතක නැත. ඒ මාගේ අතින් කණාමැදිරියා පොඩි වේ යැයි බියෙනි.  කණාමැදිරියාට කන්නට කැන්ද කොළ කැබැල්ලකුත් දැමූ පසු මාගේ උවමනාව මත ඌට නිදන්නට පුළුන් කැබැල්ලක් දමයි.  කොට්ටයක් අනවශ්‍ය බව තාත්තා කියයි. වතුරද අනවශ්‍ය වේලු.නැතිනම් මා මුළු බෝතලයටම වතුර පුරවන බව තාත්තා දනී. ඌ වීදුරුව හරහා TV  බලන බවද තාත්තා කියයි. 

🐝     📺     🐝    📺    🐝     📺    🐝     📺

කුඩා මම බෝතලයේ සිටින ඌව කාමරයේ මේසය මත තබා බලා සිටිමි. ඇතැම් විටක තාත්තා මැජික් පෙන්නන බව පවසා කාමරයේ විදුලිය විසන්දි කර අල්ලාගත් කණාමැදිරියන් නිදහස් කරයි. කණාමැදිරියන් කාමරය පුරා පියඹන ආකාරය මා කට හැර බලා සිටිමි. තාත්තා විදුලි බුබුළ දල්වමින් වසමින් කණාමැදිරියන් පෙනෙන්නේ අඳුරේදී බව කියා දෙයි. එසේ කරමින් කළුවරේ නිදා ගැනීමට මා පුරුදු කළාදැයි මා අදටත් දන්නේ නැත. එවන් දිනවල මා නිදාගන්නේ කණාමැදිරියන් දෙස බලමිණි. ඇතැම් දිනවල උන් දින දෙක තුන පුරාවට කාමරයේ සිටිති. වැඩියෙන් කණාමැදිරියන් ඇල්ලුවහොත් උන් සියල්ල එකවර කාමරයේ පියාඹති.

🌟       🌟      🌟      🌟      🌟     🌟      🌟

අදවන විට කණාමැදිරියන් විරලය. පෙරදී මෙන් එකවර දෙතුන්දෙනෙක් අල්ලා ගැනීමද පහසු නැත. අද වනවිට මා වැඩිහිටියෙකි. පොඩි කාලයේ මා කළ දේවල් අද කරන්නේ පොඩි දරුවන්ය.  අවසන් වරට මා කණාමැදිරියන් අල්ලා දුන්නේ අයියාගේ දුවටය. නමුත් ඇයට මා මෙන් ඉඳහිට හෝ කණාමැදිරියන් දක්නට නොලැබෙන්නේ ඇය දැන් ජීවත්වන්නේ නගරයේ නිසාය.  හදිසියෙන් හෝ කණාමදිරියෙක් කාමරයට පැමිණියහොත් එදින කුඩා දරුවෙකු ලෙස මා උගේ පස්සා පැත්තේ තිබෙන එළිය ආවේ කෙසේද යන්න අදටද කල්පනා කරමි.

Read More

ගැහැණු ළමයාගේ කතාව - පොඩි කාලේ (9)

පොඩි කාලේ  (9)

👶   👶   👶   👶   👶   👶   👶   👶  

මල්ලීව ඉස්පිරිතාලෙන් ගෙන අවුත් මාස කිහිපයකට පසු මට පුදුමාකාර රෝගී තත්වයන් ඇතිවී තිබේ. රෝග පරීක්ෂණයට යූරියා කල්චර්ස් පවා ගන්නවා මට මතකය. පළමු වරට ලොකු වෛද්‍ය මද්‍යස්ථානයකට  කියා ගියේ එහිය. එහි තිබූ සුවඳට මා ඉතා ආශා කළෙමි. කෙසේ හෝ අවසානයේ දොස්තර මහතා මගෙන් ඔයාගේ ප්‍රශ්නේ මොකද්ද කියා අසා ඇත. මා පවසා ඇත්තේ මල්ලි කෙනෙක් ගෙනාවා යන්නයි. දොස්තර මහතාද එහෙනම් වැඩේ හරි යනුවෙන් පවසා ඇත.

එදායින් පසු මා බලා ගැනීම තාත්තා බාරගෙන ඇත. සැබවින්ම මා ඉපදෙනතුරු වැඩට ගිය අම්මා මගේ ඉපදීමත් සමඟ වැඩට නොගොස් ඇති අතර නැවතත් සුදු අංකල් එනම් අම්මගේ වැඩ ලෝකයේ ප්‍රධානියා සෙනසුරාදා නිවාඩු සහ ගමනාගමන පහසුකම් දෙන බව පවසමින් වැඩට ගෙන්වා ගෙන ඇත. එහෙත් නිතරම අම්මා මා ළඟ සිටියාය. ඇය සමඟ මා බොහෝ දේ කළෙමි. මල්ලී බිහිවන තෙක් අවුරුදු දෙකක් පුරාවට මා සිටියේ සැමගේ අවධානය මැදය. අදටද චුට්ට බැරිවූ විට මා හට ඉක්මනින් දුක සිතේ.

Read More

ගැහැණු ළමයාගේ කතාව - පොඩි කාලේ (8)

  පොඩි කාලේ (8)

👶    👶    👶   👶    👶   👶   👶   👶
මට අවුරුදු 2 වූ පසු අම්මා මට සෙල්ලම් කිරීමට මල්ලි කෙනෙක් ඉස්පිරිතාලේ කාණුවෙන් ගෙනාවාය.එදා උදේම අම්මා තාත්තාත් එක්ක ඉස්පිරිතාලෙට ගියේ බයිසිකලයෙනි. 🚲    🚲
මා සිටියේ නිදාගෙනය. පොඩි මාමා මා අවදි කරවා පැවසූයේ අම්මලා මල්ලි ගෙන ඒමට ඉස්පිරිතාලේ යන බවය. 🏥  මා හනි හනික දුව යද්දී අම්මා බයිසිකලයට නැගද අවසන්ය. අම්මා මා අමතා ඔවුන් මල්ලී ගෙන ඒමට යන බවත්.. හඩමින් අච්චීට කරදර නොකරන ලෙසත් පවසූවාය.
මා එකග වූයෙමි. අම්මලා ආපසු පැමිණියේ හවස් වරුවකය. මා එවිට ලොකු මාමාගේ ඇදෙහි නිදන් උන්නෙමි. ඉස්සරහ ගෙදර දෝණි පුන්චීත්, බබී පුන්චීත් පැමිණ මා ඇහරවා මල්ලී ගෙන ආ බව පැවසුවෝය. මා දුව ගොස් කාමරයේ බැලූයෙමි... රෝස හා කලු පාට මල්ලී කෙනෙක් මට ලැබී තිබිණි. 😁   😁   😁   😁   😁   😁

Read More

ගැහැණු ළමයාගේ කතාව - පොඩි කාලේ (7)

පොඩි කාලේ (7)

👶    👶    👶   👶    👶   👶   👶   👶

මල්ලි ඉපදෙන්නට සිටි අවසන් කාලය මට හොඳින් මතකය. අම්මා ඇතැම්  දිනවල  ඇඳට වී කාලය ගත  කරයි. අම්මාගේ කකුල් 2 ඉදිමී ඇත. එකල අම්මා ඇඳි රතුපාට මල් වැටුණු  ගවුම අදටද  මට මතකයේ ඇත.

මට ද එකල හරියට වැඩය. විටින් විට තාත්තා වැඩ කළ සේවා ස්ථානයට  දුරබනුවාගෙන් කතා කර අම්මට අමාරු යැයි පවසමි. තාත්තා නැවත  අම්මාටම කතා කර එය තහවුරු කර ගනී. අවසානයේදී  අම්මා මල්ලි  ගෙන ඒමට ගියේ කිසිදු අමාරැවක් නැතිවය. එදින උදේ චූ  ගොඩක නිදා සිටි මා පොඩි මාමා විසින් ඇහැරවා අම්මා යන බවත් අවසන් මොහොතේ හෝ  නංගී මල්ලීට මාරැ විය හැකි බවත් යනුවෙන් පැවසීය. එමනිසා අවසන් මොහොතේදීද බලාපොරොත්තු සහගතව මා ඉල්ලූවේ නංගි කෙනෙක් බව මට හොඳට මතකය.

Read More

ගැහැණු ළමයාගේ කතාව - පොඩි කාලේ (6)

  පොඩි කාලේ (6)

👶    👶    👶   👶    👶   👶   👶   👶

මට තදින්ම නංගි කෙනෙක් උවමනා වී සිටියද මල්ලි ඉපදෙන්නට සිටින කාලය මට ඉතාමත් නොවූ එහෙත් යාන්තමට මතක ඇත. 

සුදු පාට බෝල මිඩ්වයිෆ් ඇන්ටි සුදු පාට ගවුම් මට දුඹුරු පාට පටියක් බැඳගෙන ඇතැම් දිනවල ආච්චිගේ ගෙදරට එහෙත් ඉන්පසු අම්මා එන්නිය. ඉන්පසු අම්මා සමග ගේ ඇතුලට යන්නිය. ආච්චි මට ඇය අම්මා සමග සිටින පැත්ත පළාතකටවත් යාමට ඉඩ නොදේ. කෙසේ හෝ නැවතත් එළියට පැමිණෙන ඇය අම්මා කන බොන දේ පිළිබඳ විමසයි.මා ගැනද ඔවුන් කතා කරන දේ නොතේරුණ ද කටත් ඇරගෙන මා අසා සිටින විට "මල්ලි ඉපදුණාට පස්සේ හොඳට බලා ගන්න ඕනේ හරිද?" යැයි පවසන්නීය.මා ඔළුව වනමි. 

ඇය නිසා එවකට මට මිඩ්වයිෆ් කෙනෙක්  වීමේ පිස්සුවක්ද ඇතිවිය. ඒ ඇසූ ඇය මහ හයියෙන් සිනාසී "අපිට වෙලා තියෙන දේ පේනවනේ. මිඩ්වයිෆ් කෙනෙක් වෙන්න හිතන්නවත් එපා. කකුල් කැඩෙනකම් අපි ඇවිදිනවා. කොච්චර කිව්වත් සායනවලට එන්නෙ නැති අම්මලා ඉන්නවා.  අන්තිමට ඔක්කොම අපේ පිටින් යනවා." යැයි පවසමින් අම්මා සමග කියවන්නිය. 🙏         🙏        🙏         🙏         🙏         🙏         🙏

ඉන්පසු "සායනය තියෙන දවසට ආයිත් එන්න. මේ සැරේවත් කොක්කේ එල්ලන්නම්" යැයි මා හට පවසන්නීය. එසේ පවසන්නේ බොහෝ ළමයි දුඹුරුපාට උරයක දමා ළමා සායනයේදී කොක්කේ එල්ලුවද මා පමණක් තරාදියක තබන බැවිනි. මා බර වැඩි බව ආච්චි හෝ අම්මා පැවසුවද කෙදිනකවත් මා කොක්කේ නොඑල්ලන බැවින් ළමා සායනයට ගොස් ආපසු මා එන්නේ මුහුණ දික් කරගෙන හෝ  අඬමිනි.  බරවැඩි නිසා මට එකල සමපෝෂ ද හමුනොවිණි. එහෙත් මා ගැන දුක් උපදවාගත් බෝල මිඩ්වයිෆ්  ඇන්ටි කෙසේ හෝ සමපෝෂ පැකැට්ටුව මා සතු කරයි.

Read More

නයනා ආශ්චර්යා ජයකොඩි මහත්මිය

 නයනා ආශ්චර්යා ජයකොඩි මහත්මිය

හදවතට ලස්සන ගලන්නෙ ඇස් දෙකෙන්. මීට අවුරුදු කිපයකට කළින් ඒ ඇස් දෙක වැහුණා ආයෙ විවර කරන්න බැරි විදිහට. ඒත් ඒ හදවත අදටත් බොහොම ලස්සනයි. සැබෑ සුන්දරත්වය ගලන උල්පතක් ඒ හදවතේ තියෙනවා. ඒ හදවතින් පැහැදිළි, පිවිතුරු ලස්සන උතුරා ගලන්නේ ඒ හින්දා.


දැන් ඇය මා ඉදිරියේ. ඇය අති දක්ෂ මෝස්තර නිර්මාණ ශිල්පිනියක්. නම ආශ්චර්යා. ඔව්, ඇය සැබෑ ම ආශ්චර්යයක්. මම එහෙම කිව්වෙ ඇයි කියලා ඔබ ඇය මේ කියන කතාව ඇහුවහම තේරුම් ගනීවි.


ආශ්චර්යා -
එතකොට මම බොහොම තරුණයි. මම බොහොම ආඩම්බරයෙන් හිටියෙ සතුටින් පිරුණු මගේ ජීවිතේ ගැන. ඒ කාලෙ මම බැංකු නිළධාරිනියක් හැටියට උසස් මට්ටමේ රැකියාවක් කළේ. අහඹු සිදුවීමක් නිසා එදා මම ටිකක් වේලපහින් ගෙදර එන්න පිටත් වුණා. මගේ මෝටර් රථයේ තවත් මිතුරන් දෙනෙක් හිටියා. මට ලොකු බඩගින්නක් දැණුනු නිසා මොනව හරි කන්න කීප තැනක ම නවත්වන්න උත්සාහ කළත් අවිනිශ්චිත හේතු නිසා එය කීපවරක් ම වැළකී ගියා. ඒ වෙනකොට අපි හිටියෙ කාසල් රෝහලට මදක් රාජගිරිය පැත්තට වෙන්න. මහා හඩක් සමග සියල්ල නො පෙනී ගියා. වරින් වර සිහිය මා වෙත ඇවිත් ගියත් මම හිටියෙ අසිහියෙන් එළියට පනින්න කියලා කවුරු හරි කෑ ගහනව මට මතකයි. ඒත් මගේ සිරුර මුලූ‍මනින් ම අප්‍රානික වෙලා තිබුණේ. මම ත්‍රස්තවාදී බෝම්බයකට අහුවෙලා කියලා දැන ගත්තෙ දින තුනකට පස්සෙ සිහිය ආවට පස්සෙ. බොහොම අසාධ්‍ය වෙලා තිබුණු මගේ දකුණු කකුල ගැන හැමෝම කතා කරන කොට මට බය හිතුණා, මට ආයෙ කවදාවත් හොඳට ඇවිදින්න බැරි වෙයි කියලා. ඒත් බොහොම කාලයක් යනතුරු ම දැනගෙන හිටියෙ නැහැ ඒ වෙනකොට මම සදාකාලිකව ම අන්ධ වෙලා කියලා.

ඇය තවමත් අභිමානයෙන් නැඟී සිටී. ඕනෑ ම කෙනෙකු වසඟ කරන්න සමත් තමන් සතු රූපකාය වියපත් බව පරදවමින් තවමත් ඈ ලඟ ගැවසේ. පැහැදිළිව ම ඈ වෙත පරාජිත බවක සේයාවක් හෝ දැකගත නො හැක.

මම -
කොහෙන්ද ඔබට මෙවන් පෞරුෂයක්?

ආශ්චර්යා -
අපේ තාත්තට හොඳට සල්ලි තිබුණා. අම්මට බොහොම ලස්සන රූපයක් තිබුණා. ඒත් ඒත් බිය වැද්දීම්, සැරපරුෂ බව, බලහත්කාරය අපේ ගෙදර පිරිලා තිබුණෙ. අම්මා මගේ හදහන බලපු වෙලාවක ඒකෙ කියලා තිබුණා මම හොඳ කලාකාරියක් වෙනවා කියලා. ඒකට බය වෙලා ඒ ගොල්ලො මගේ චිත්‍ර පන්තිය නැවැත්තුවා. මගේ පියානෝ පුහුණුවීම් නතර කරලා දැම්මා. මගේ පුංචි කාලෙ මම සෙනෙහස, සතුට දැක්කේ හොඳ ගැමියෙකු වුණ මගේ සීයගෙන් සහ ආච්චිගෙන්. මා තුළ සංවේදි කම, නොසැලෙන සුලූ‍ බව, ධෛර්ය සම්පන්න බව ගොඩනැගුණෙ මේ ආදරය හා අනාදරය අතර ජීවිතය නිසා. දෙමාපියන්ගෙ අපේක්ෂාවන් සපුරාලන්න මම අපරාජිතව ඉදිරියට ගියා. ඒත් මේ සිදුවීම්වලින් පස්සේ ඔවුනුත් මා ගැන බලාපොරොත්තු අතහැර දැම්මා. මට ඇත්තට ම මං වෙන්න පුළුවන් වුණේ ඊට පස්සෙ. මා තුළ සැඟවිලා හිටිය කලාකාරියට මම නැගිටින්න ඉඩ දුන්නා. මම සම්පූර්ණයෙන් ම අන්ධවෙලා වසර 18 ක් ගෙවුණත් වර්ණ, හැඩතල, පිලිවෙල මේ හැම දෙයක් ම මට හොඳට මතක යි. මම මෝස්තර නිර්මාණයට පිවිසෙන්නේ මේ තත්වය යටතේ.

මම-
මේ වෘත්තිය ඔබට කෙතරම් ගැලපෙනවද? ඇස් නො පෙනෙන කෙනෙක් කොහොම ද අලූ‍තින් මෝස්තර නිර්මාණය කරන්නෙ?

ආශ්චර්යා - මට ඇස් නො පෙනෙනවා විතරක් නෙවේ. ඒ අනතුරෙන් පස්සෙ මට ගඳ සුවඳ දැනෙන්නෙත් නැතිව ගියා. මම ළගදි වෙනත් ශිල්පිනියකගේ මෝස්තර නිර්මාණ දැක්මකට ගියා. මම හඩින් සහ ස්පර්ෂයෙන් විතරයි ඒක දැක්කෙ. මේ නිසා මට කිසි විටෙකත් කාගෙවත් නිර්මාණ හා වර්ණ අනුකරණය කරන්න බැහැ. හැම නිර්මාණයක් ම බිහි වෙන්නෙ මගේ හදවත ඇතුලෙන් ම යි. අනිත් අය කඩදාසිවල මක මකා අදින හැඩතල මමත් ඒ විදිහට මගේ හිතේ මක මකා අදිනවා. හිතෙන් වර්ණ සංයෝජනය කරනවා. මේ නිසා මට හැම හැඩතලයක් ගැන ම, හැම වර්ණයක් ගැන ම වැඩි අවධානයකින් හිතන්න සිද්ධ වෙනවා. මේ නිසා මගේ මෝස්තරවල, වර්ණවල විශේෂතාවක් තියෙනවා කියලා බොහෝ දෙනා කියනවා මම අහලා තියෙනවා. 2014 අවුරුද්දෙ හොඳ ම නිර්මාණාත්මක නව්‍යකරණය මෝස්තර නිර්මාණය වෙනුවෙන් සම්මානය ලැබුණෙත් ඒ නිසා වෙන්න ඇති.

ඇය තමන් දෙස අනුකම්පා සහගත ව බැලීම රුස්සන්නේ නැත. ද්‍රශ්‍යාබාධිත යන හැඳින්වීමටත් ඇය අකැමැති ය. මේ නිසා මෙම ලිපියේ අප ඇය හඳුන්වන්නේ ඇස් නො පෙනෙන මෝස්තර නිර්මාණ ශිල්පිනිය ලෙස යි. ඇස් නො පෙනෙන ඇය කොහොමද මෝස්තර නිර්මාණය කරන්නේ?, ඇය කොහොමද වර්ණ තෝරන්නෙ?, මෙය ඔබට වගේ ම මටත් ඇති වුණු ගැටළුවක්.

ආශ්චර්යා -
මට දැන් මගේ සිතිවිලි හොදින් තේරුම් ගන්න පුලූ‍වන් හොඳ වැඩ කණ්ඩායමක් ඉන්නවා. මුලින් ම මම මේ ක්ෂේත්‍රයට පිවිසෙන කොට මා ලඟ හිටියෙ දේවිබාලිකා විදුහලේ ඉගෙන ගන්නා කාලෙ ඉදල මගේ සමීපත ම මිතුරිය ඩයනා යි. මම එයාට කතා කරන්නෙ ඩයි කියලා. මගේ නමෙත් ඩයනා කියලා කොටසක් තියෙනවා. අපි ඒ කාලෙ විහිලූ‍වට කිය කියා හිටියෙ ලොකු වුණා ම ඩයි ඇන්ඩ් ඩයි කියලා බිස්නස් එකක් පටන් ගනිමු කියලා. ඇත්තට ම මම මෝස්තර නිර්මාණකරණයට ආවෙ ඩයනගෙ ඇස් දෙකෙන්. එහෙත් ඇය වෙන රටක පදිංචියට යෑමට තීරණය කෙරුවා. මේ වෙනකොට මගෙ ඇස් දෙක වෙලා තියෙන්නෙ මගෙ ආදරŒය සැමියා චන්දන ජයකොඩි. කාලයක් එකට ජීවත් වුණ නිසා මම හිතන හැටි, මම කියන දේ වඩා නිරවුල් ආකාරයෙන් ඔහු තේරුම් ගන්නවා. කාර්ය බහුල ජීවිතයක් ගත කරන නිසා ඔහුට මගේ කටයුතුවලට කැපවෙන්න බැරි අවස්ථාත් තියෙනවා. ඔහු නැති වෙලාවට මම රෙදි ගන්න ගියා ම ඒ වෙළඳ සැල්වල ඉන්න කීපදෙනෙක් ගෙන්නලා ඒ ඒ අයගෙන් වෙන වෙන ම අහලා තමයි මම අවශ්‍ය වර්ණය නිවැරදි ව තෝරා ගන්නෙ. සාමාන්‍යයෙන් මම හුරුපුරුදු නැති තැන්වලින් රෙදි හා ආභරණ මිලට ගන්න යන්නෙ නැත්තෙ මේ අපහසුව නිසා. මගේ වර්ණ පරාසය බොහොම පුලූ‍ල්. දම් පැහැය කිව්වහම දම් පාට මානෙල් මලේ පෙත්තක් ගත්තත් එහි අග, මැද, දාරවල වෙනස් දම් පැහැයන් තියෙන්නෙ. ස්වභාදහමේ වර්ණ බොහෝ විට නිශ්චිත යි. මේ නිසා මට අවශ්‍ය වර්ණය කියාගන්න මම මේ ක්‍රමය යොදා ගන්නනවා. හිතේ සංයෝජනය කරලා බොහොම අමාරුවෙන් නිශ්චිතව ම හොයා ගන්නා එම වර්ණයේ පැන්තම් අංකය හොයාගෙන ඊට පස්සෙ එම වර්ණය තෝරා ගැනීම තවත් ක්‍රමයක්. ඊට පස්සෙ සිතින් පැන්තම් අංක වෙනස් කර කර වෙනස් වර්ණ හිතේ නිර්මාණය කර ගන්නවා. මීට අමතර ව වර්ණ නිවැරදිව හදුනා ගැනීමට සමත් නවීන දුරකතන සඳහා එන ඇප් වර්ගත් මම භාවිතා කරනවා. මම හිතන්නෙ මම වැඩියෙන් ම පාට හඳුනාගන්න පටන් ගත්තෙ ඇස් පෙනීම නැතිව ගියාට පස්සෙ.


මම-
ඔබ අනිත් අයට බලන්න මෝස්තර නිර්මාණය කරනවා. ඒත් මේ අපූරු නිර්මාණ ඔබට බලන්න නො හැකිවීම ගැන මොනවද හිතන්නෙ?

ආශ්චර්යා -
මම බෝම්ඛෙට අහුවෙලා රෝහලේ ඉන්න කාලෙ තිබුණු ලොකු ම ප්‍රශ්නෙ මගෙ ඩැමේජ් වුණු කකුල සනීප කරගන්න පුළුවන් වෙයි ද කියලා. වෛද්‍යවරුන්ටත් ඒ ගැන ඒ තරම් විශ්වාසයක් තිබුණෙ නැහැ. මම හිතුවෙ ඇස්වලට ප්ලාස්ටර් දාලා තිබුණෙ ඇස් වටේ ට තිබුණු තුවාල නිසා විතරයි කියලා. අන්තිමට මගේ කකුල සනීප වුණා. ඊට පස්සෙ මම ඇස් ගැන ඇහුවහම හැමෝම කිව්වෙ තව ටික දවසක් යද්දි ඇස් සනීප වෙයි කියලා. අවුරුදු 18 ක් තිස්සෙ තාමත් මම බලාගෙන ඉන්නවා කවද හරි මට ඇස් පේන්න පටන් ගනියි කියලා. එදාට මම මෙතෙක් කරපු මේ නිර්මාණ බලන්න මගෙ ඇස් දෙකෙන් බලන්න පුළුවන් ......

ඇය අතකින් මුහුණ වසා ගත්තා. ඇය හිස එසෙව්වෙ විනාඩි කීපයකට පස්සෙ. ඇස් වටා තෙතමෙනයක් තිබුණත් දෑස් පියවුණු මුහුණේ තිබුණේ නොසැලෙන ධෛර්යයක් හා අභිමානයක්.
-කැලූ‍ම් කුමාර මොහොට්ටිගේ-

Read More

ගැහැණු ළමයාගේ කතාව - පොඩි කාලේ (5)

  පොඩි කාලේ (5)

👶    👶    👶   👶    👶   👶   👶   👶

පොඩි කාලේ මා ඇතැම්විට අවාසනාවන්තව සිටින්නට ඇත. මට මාස 3 වන විට මිසි ආච්චි මිය ගියාය. එය සිදු වූයේ සතුටුදායක මරණයක් ලෙසින් යැයි බොහෝදෙනා පැවසුවද ඇය මිය ගියේ මා නිසාය යන හැඟීම අදටද මා සිතේ පවතියි.

 ටික කලක් ගිය පසු වාහන විකුණන සේවා ස්ථානයක සේවා වැඩ ලෙස සුපරීක්ෂකවරයෙකු ලෙස කටයුතු කළ තාත්තාට සේවා ස්ථානය වැසීමට තීරණය කළ නිසා රැකියාව අහිමි වී ඇත. පසුව තාත්තා ඔහු ඔහුගේ උසස් පෙල අවසානයේ දී විනෝදාංශයට මෙන් සිදු කළ ඇඳුම් මැසීම සඳහා යොමු වී ඇත. මල්ලි ඉපදෙන කාලය වන විට ඔහු සන්නාලියෙකි. 

 ඒ කෙසේ නමුත් තාත්තා ආස ඇත්තේ දුවෙකු  නොව පුතෙකු මුලින්ම ඉපදෙනවාටය. නමුදු ගැහැණු ළමයි වාසනාවන්ත යැයි කියන නිසා තාත්තා පසුව ගැහැණු දරුවෙකුට කැමතිවී ඇතැයි තාත්තාම මට පසු කලෙක කීවේය. එලෙස වාසනාව ලබා ගන්නට සැබැවින්ම තව වසර විසිතුනක් සිටීමට සිදුවේ යැයි එදින තාත්තා සිතන්නට නැතුව ඇත.

Read More

ගැහැණු ළමයාගේ කතාව - පොඩි කාලේ (4)

 පොඩි කාලේ (4)

👶   👶    👶    👶    👶    👶    👶    👶    👶

මට වයස අවුරුදු 1 1/2 වෙද්දී ලොකු මාමා රට ඉදන් පැමිනියේය. ✈  ✈  ✈ ඔහු එකළ තනිකඩයෙකි. එම නිසා ඔහු එන විට මා සදහා තඩි  🎁 🎁 බෝනික්කෙකුද, 🎹  තඩි ඔර්ගන් එකක්ද 🎹 ගෙනාවේය. ඔහු එන විට ආච්චී සිටියේ මා වඩාගෙනය.  ආ සැනින් ඉදිරිපස දොර ලග සිට ඔහු ඇසුවේ කව්ද මේ වදුරු පැටියා  🐵   යනුවෙනි. මන් ගස්සා අහක බලා ගත්තෙමි. මට ඔහු වැඩිය ඇල්ලුවෙද නැත. පසු කලෙක තෑගි ගෙනා නිසා කැමති වන්නට ඇත. ටික දවසකින් ඔහු විදුලිබල මණ්ඩලයේ සිකුරුටි කෙනෙක් ලෙස රැකියාවට බැදී ඇත.

     👮     👮     👮     👮     👮     👮    👮

දැන් නම් අම්මා පවසන අයුරින් එකල ඔහු සිට ඇත්තේ විදුලිබල මණ්ඩලයම ඔහුගේ යැයි සිතාගෙනය. ඇතැම් විට විදුලිබල අමාත්‍යවරයා යැයි සිතාගෙනය.

පසුව ආරන්චී වූයේ ඔහු රැකියාවට යන ගමන් පන්නිපිටියේ කලු නැන්දා කෙනෙක් සමග හාද වී ඇති බවය. 💘 මාමා සුදුය.  නැන්දා කලු නිසා ආච්චී මෙයට මුලින් කැමති වූයේ නැත.පසුව තවත් වටින් ගොඩින් සෙවූ පසු ආරන්චි වූයේ night duty කියා ගෙදරට කියා ගොස් කලු නැන්දලාගේ ගෙදර සිකුරිටි වැඩේ කරනවා යන්නයි. තවත් කියා පලක් නැති බැවින් ආච්චී මාමාට ඇයව බදින්නට කීවාය.

නමුත් ඇත්ත කතාව එය නොවන බව මා ලගදී දැන ගත්තෙමි. මාමා කාටත් හොරාම  අපේ ගේ ඉස්සරහ හිටපු සුදු නැන්දෙක් එක්කද යාලු වී සිට ඇත. ඒ අතරතුර කලු නැන්දාගේ අයියලා අපේ ගෙදරට මගුල් යෝජනා ගෙන ඇවිත් ඇත.🎎   🎎   🎎   🎎   🎎 එසේ පැමිණි කලු නැන්දාගේ අයියාගේ යාලුවෙක් සමග සුදු නැන්දා යාලු වී ඇත. වැඩේ අහු වූයේ අපේ අම්මටය. එකල අම්මා මගේ තනියට මල්ලී කෙනෙක් ඉස්පිරිතාලේ කාණුවෙන් ගේන්නට සිට ඇත. එය දැන සිට ඇත්තේ අම්මාගේ ගෙදර අයත් .. තාත්තාගේ ගෙදර අයත් පමණි. දවසක්දා අම්මාට තැම්බූ වෙරළු ගෙන ආ සුදු නැන්දා අම්මාගේ සුව දුක් විමසා ඇත.එය අම්මාට ප්‍රශ්නයක් වූයේ ඇය කෙසේ එය දන්නේද යන්නයි. පසුව සුදු නැන්දාත් කලු නැන්දාගේ අය්යාගේ යාළුවාත් තුරුල් වී කතා කරනු අම්මා දැක ඇත.   💏     💏     💏     💏    💏    එයට දවස් කිහිපයකට පසු අම්මාට ආරන්චි වී ඇත්තේ කලු නැන්දාගේ අය්යාගේ යාළුවා කලු නැන්දා හා ඇයගේ අය්යලා ඉදිරිපිටදී ප්‍රකාශ කර ඇත්තේ ඔහු සුදු නැන්දා හා යාලු බවත්..දවසක් දා ඔවුන් කතා කරමින් සිටිනු අපේ අම්මා දැක ඇති බවත්ය.  ඇය පසුපස දේවප්‍රිය  නැමැත්තෙකු යන බවත්ය.

කලු නැන්දාගේ අය්යගේ යාලුවා ලොකු මාමාගේ සම්පූර්ණ නම නොදැන සිටීම නිසාත් සුදු නැන්දා ඒ අපේ ලොකු මාමා කියා නොපැවසීම නිසාත් මෙය මෙසේ සිදුවී ඇත. 

එවිට කලු නැන්දලාගේ අය්යලා අපේ ගෙදර පැමිණ ලොකු මාමාගේ උදව්වෙන් දේවප්‍රිය නැමැත්තා සොයා ඇත.  🔪    🔪    🔪    🔪    🔪     🔪

මෙය ආච්චී දැනගත් විට ඇය. 🔥 මිසයිලයක් මෙන් පුපුරා ඇත .  🔥 හේතුව ලොකු මාමාගේ අනියම් ආදර පටලැවිල්ල නොව, ඒ ආදරය ඇති කරගත් සුදු නැන්දාගේ අම්මාට ගමේ හතර වටේ පිරිමි සිටි නිසා ඒ පව්ල වැදගත් පවුලක් නොවීම නිසා ඔවුන් එක්ක පෑහීමට ආච්චී අකමැති වීමය. එම නිසා අච්චීම කලු නැන්දාගේ කටයුත්ත ඉක්මන් කර ඇත. 🎊    🎎    🎊  පසුව සුදු නැන්දාද කලු නැන්දාගේ අය්යාගේ යාළුවා සමග විවාහපත් වී ඇත.  🎊   🎎    🎊  

Read More

ගැහැණු ළමයාගේ කතාව - පොඩි කාලේ (3)

පොඩි කාලේ (3)

   👶    👶    👶    👶    👶    👶    👶    👶

පොඩි කාලේ මා අම්මලාට කරදර නොකල බව අම්මා පවසයි. කුක්කු බෝතලය පමණක් මට අවශ්‍ය වී ඇත. මා දොයි කරවා ඇහැරීමට ආසන්න වේලාව පැමිණිවිට කුක්කු බෝතලය කටේ ගැසූ විට එය චොක චොක ගා බී නිදාගත්තේලු. වැසි දිනවලදී ඒ ආකාරයෙන් දවස් දෙක තුන එක දිගට නිදා ගත්තේලු. මාගේ චූ නැපි මාරු කිරීම පමණක් අම්මාට කරන්නට සිදුවීලු. මා මැරීද නැද්ද යන්න බලාගෙන ඇත්තේ හුස්ම ගන්නවාද බැලීමෙන්ලු. අදටත් බඩගින්න හා චූ දැමීම නොමැතිනම් මට එක දිගට දවස් දෙක තුනක් දොයි ගත හැක.  🐾    🐾    🐾    🐾

නින්දෙන් ඇහැරී මා අඩන විටදි ගෙදර සිටි පොඩි බලු පැටියා ටාෂන් ඌගේ ඇසට අහුවෙන පලමු නිවැසියාගේ ඇදුමෙන් ඇද මා වෙතට ගෙන එන්නේලු. 😍   😍

පොඩි කාලයේ අප සිට ඇත්තේ අම්මාගේ මහ ගෙදරය. ආච්චීලා මධ්‍යම පරිමාණ බතික් ව‍යාපාරිකයෝය.  මා හට මාස 6ක් ඉක්මවූ පසු අම්මා වැඩට ගොස් ඇත.  ආච්චීට ව‍යාපාරික කටයුතු , සීයාගේ අසනීපය සමග මාගේ වැඩ කිරීමට අපහසු නිසා දහවල් කාලයේ දී මා බලාගෙන ඇත්තේ තාත්තාගේ සහොදරියන් විසිනි. පොඩි නැන්දාටද මට වඩා දවස් ගණනකින් වැඩිමල් වූ අක්කෙකු සිටි නිසා ඔවුන්ට මා බලාගැනීමට දී ඇත. හවසට මා ගැනීමට අම්මලා පැමිණෙන විට බයිසිකලයේ සද්දය ඇසී මා cot එකේ සිට උඩ පනින්නේලු. අම්මා මා රැක බලාගෙන ඇත්තේ මලක් සේය.  🌺  🌺    🌺  දිනක් ලොකු නැන්දා අම්මලා සිටින විටදී මා නෑව්වේලු.  ඇය මගේ ඇග තදින් අතුල්ලා සබන් ගෑවේලු.  රිදෙන නිසා මා හයියෙන් ඇඩුවේලු. එය දරාගත නොහැකි වූ අම්මාද ඇඩුවේලු.

කොහොමින් කොහොම කාලය ගත වෙත්ම හැමදා උදෑසන තාත්තාගේ මහගෙදර යන්නට කාලය පැමිණෙන විට මට බඩේ අමාරුවක් සෑදෙන්නට පටන් ගත්තේලු. එම නිසා අපේ අච්චී මා කෙසේ හෝ බලාගන්නම් කියා මා භාරගත්තේලු.එදින සිට මා බලාගත්තේ ආච්චීය.

Read More

ගැහැණු ළමයාගේ කතාව - පොඩි කාලේ (2)

 පොඩි කාලේ (2)   

👶    👶    👶   👶    👶   👶   👶   👶

මෙය මා බිහිවී මාස තුනකට පසු කතාවකි. ඉපදී මාස තුනකින් කන් විදීම සෑම ගෑනු ළමයෙකුටම පොදු වූවකි. මාගේ කන් විද ඇත්තේ අදටත් ආච්චී බෙහෙත් ගන්නා එමෙන්ම අම්මගේ යෙහෙලියකගේ පියෙකුද වන ආයුර්වේද දොස්තර මහතාය. කන් විදිද්දී මා මහ හයියෙන් කෑ ගසා  හැඬුවේලු. දැගලූ හෙයින් අදටද මාගේ එක කනක ඇඳ වී ඇති කරාබු හිලකි. තාත්තාට නම් එදින හොඳටම දුක සිතුණු බව අම්මා පවසයි. කෙසේ හෝ එයින් දිනක් හෝ දෙකක් ගෙවුණු පසු ආච්චී මාවත් වඩාගෙන අමි ආච්චිලාගේ ගෙදරට ගොස් ඇත. 

අමි ආච්චී යනු අම්මාගේ තාත්තාගේ, එනම් මගේ සීයාගේ බාප්පාගේ පුතාගේ බිරිඳයි. වෙනත් ආකාරයකට කිවහොත් ලොක්කාතාගේ බිරිඳයි. මා ඇයට අමි ආච්චී යැයි කියන්නේ ඇයගේ දුව අමීෂාට මා අමී පුංචි ලෙසින් නම කෙටි කර හඳුනවන අතර ඉන් කඩා ගත් නම් කැබැල්ලෙන් ඇය අමි ආච්චී වී ඇත. මා ඇයට දැමූ ඒ නම හේතුවෙන් ඇය අදටත් ගමේ ළමුන් අතර ප්‍රසිද්ධ අමී ආච්චි ලෙසිනි. ලොක්කාතාගේ මෑණියන් මිසි ආච්චීය. මා ඉපදෙන විට ඈ දෑස් අඳ තැනැත්තියකි. වැරදි බෙහෙතක් ඇසට දැමීම නිසා ඇගේ මැදිවියේදී ඈ අඳ බවට පත්ව ඇත. 

 👵        👵           👵        👵        👵         👵          👵        👵          👵        👵          👵

ආච්චී මා සමඟ එහි යනවිට මිසි ආච්චී ගෙයින් එළියට පැමිණ මාගේ කන් අත ගා හානේ කෙල්ල කඩුක්කනුත් දාලා යනුවෙන් පවසා ඇත. ස්වල්ප වේලාවකින් ආපහු ආච්චී නිවසට පැමිණෙනවාත් සමඟ අමී පුංචි ආච්චී පසුපසින් ඇවිත් පවසා ඇත්තේ මිසි ආච්චීට හෘදයාබාදයක් සෑදී වැටුන බවකි. මිසි ආච්චී එදිනම මිය ගියාය. 

අමී ආච්චී පවසන්නේ "තාරු කන විද්ද එකට ආච්චී හරි සතුටු උණා. ආච්චී මැරුණේ හිතේ සතුටින්" යනුවෙනි. 

ඒ කෙසේ වෙතත් මා දුක් වෙන්නේ හා මට සිතෙන්නේ ඇය මිය ගියේ මා නිසා කියාය. ඔයා නැත්නම් මං මැරෙනවා කියූ ඇතැමුන් අතරේ මා නිසා මිය ගිය පළමු තැනැත්තිය ඇයයි.

😞      😞      😞     😞      😞       😞      😞       😞        😞      😞       😞      😞        😞

Read More

ගැහැණු ළමයාගේ කතාව - පොඩි කාලේ (1)

 පොඩි කාලේ (1)

👶  👶  👶  👶  👶  👶  👶  👶 මන් පාඨක ඔබෙන් ප්‍රශ්නයක් අසමි. ඒ ගැහැණු  ළමයෙකුට අතීතයේ වුන දේවල් කොච්චර කාලයක් මතක තියෙනවද යන්නයි..  නමුත් මමද ඔබෙන් පිළිතුරක් බලාපොරොත්තු නොවෙමි. මක් නිසාද යත්.. මටද එයට නිශ්චිත පිළිතුරක් දිය නොහැකි නිසාවෙනි.
 
මගේ කුඩාකල මතකයන් රාශියකි. මා උපත ලැබුවේ 1996 වර්ශයේ ආදරණීයයන්ගේ මාසයේ  💑 ආදරණියයන්ගේ දිනයට පසු දිනයි. එහෙත් අම්මාට දවසක් ඉක්මන් වී මා බිහි කිරීමට තිබුනි.එසේ වූවනම් මාගේ නම වැලන්ටිනා වීමට ඉඩ තිබිණි. ❤      ❤       ❤

කෙසේ වෙතත්  14-15 යන දෙදිනම මට තෑගි එක දිගට ලැබේ යැයි එකල කළලයක් වී සිටි මා විශ්වාස කරන්නට ඇත.එම නිසා 15 ඉපදීමට මා තීරණය කරන්නට ඇත. කෙසේ වෙතත් මේ වෙන තෙක් 14 වෙනි දින තෑගි දීම සදහා තවමත් කෙනෙක් ඉදිරිපත් වී නොමැත.එය වෙනම කතාවකි.
අම්මා පවසන ආකාරයට මා ඉපදී ඇත්තේ රාත්‍රී කාලයේය. ඉපදී ඇත්තේ කිනම් වෙලාවකද යන්න අම්මාවත් නොදනී... මා උපත ලබා ඇත්තේ සාමාන්‍ය දරු උපතක් ලෙස නිසා අම්මාට එය මතක නොහිටීම සාදාරණය.  ☑  ☑ ඉස්පිරිතාලෙන්  දී ඇති උපත් වෙලාව 7.38 වන අතර.. ජෝතීශ්‍යවේදී මහතා පවසන ආකාරයට මා ඉපදී ඇත්තේ 7.58ටය. මට හැගෙන ආකාරයට 7.38ට මගේ ඔලුවද 7.58ට මගේ කකුල් දෙකද එලියට එන්නට ඇත.විනාඩි 20 පුරා මා බිහි වී ඇත. එය මගේ තර්කයයි.. කාහටවත් එහි වරදක් කීමට නොහැක.. එදින මුලු රාත්‍රී කාලයේම මාගේ පින් මහිමය නිසා දරුණු වැස්සක් වැස ඇත. ☔  ☔  පාන්දර 3 වෙනකම් මා නොනවත්වා හඩා ඇත. අම්මා පව්ය. මුලු රාත්‍රියේදිම ඇය මා වඩාගෙන වාට්ටුව පුරා ඇවිදමින් සිට ඇත .එදිනට පසු දින අම්මා පාසැල් යන කාලයේ සිට සිතාගෙන සිටි පරිදි මා හට තාරුකා ලෙස නම් තබා ඇත.
එහි තේරුම තරුගොන්න යන්නයි. 🌟   🌟   🌟   🌟   🌟   🌟   🌟  🌟  🌟  🌟  🌟
තාත්තා ඊට නිලක්ෂි (නිල් ඇස්) යනුවෙන්ද එක් කර ඇත. නිල් ඇස් තියෙන තරු ගොන්න මමය. නමුත් මා දන්නා පරිදි මට ඇත්තේ තරු ඇස් නොවේ. ඒවා කතාද නොකරයි. කාච දැමීමෙන් මිසක ඒවා නිල් කල නොහැක.  👀    👀    👀    👀    👀
එය එසේ වූවද එදින සිට මා මාගෙ නිවැසියන් හට චූටි දුවද, නෑදෑයන් හට තරූ ද, මාමාට චූටි මැණිකේද, අහල පහල නිවැසියන් හට සුදු නෝනාද විය.

Read More